Sunday, March 15, 2015

ඊට පස්සෙ.....


නිල් පාට රෝස මල....
තෙල් පාට....
මූණ උඩ....
ඇල්මැරුණු හීනවල.....
රහ බලනවා.....
සිල් බින්ද සළු අගට....
පණ දෙන්ට
නැහැ වචන...
හති හලන ලවන් මත...
සිත දුවනවා........

ඔබ එක්ක හීනවල....
දිග මැන්න රෑ.....
හිත අස්සෙ උපන් මල....
හංගන්න බෑ.....
නුහුරු නුපුරුදු හුස්ම....
වැදී පෙති ගිලිහෙන්න......
පණ ගැහෙනතුරු
ඔන්න ඉඩ දෙන්නෙ නෑ...

කාලයට ඉඩදෙන්න
සිහිනයට බෑ..
උණුහුමට සමුදෙන්න
හිත දෙන්නේ නෑ.....
සෙනෙහෙ මත නුරා සිල....
මැවී වියැකී යන්න.....
හුස්මකටවත් එන්න
ඉඩ දෙන්නේ නෑ........

Sunday, March 8, 2015

කටවහ....


දිගු කරන් හෙලි
තද කරන් කිළි
පෙනෙන නොපෙනෙන සේ රුවා.....
උදහසින් පිරි
කොළ නුවන් ඉරි
මදහසට කරමින් මුවා..........
අනුහසින් පිරි
මහ සභා මැද
අනුන් හෙළු පිළි සෝදනා......
හිස් අහස මත
මැවුනු තතු මත
කරන සහසක් චෝදනා.....
ලිඳ මගේ නම්
මා ලිඳේ නම්
කාටවත් ඇයි වේදනා..