මුලු මට්ටම....

අන්ධ බූත ජාතකයේ
බමුණාවෙමි මං.....
සියුමැලි අතකින්
එන හැඩි දැඩි පහරට ලොල්....
කඩතුරාව තුලින් දුටිමි...
ඔබේ කුමරුවන්...
ඒත් මහද තවම ලොබින්....
සොයයි පහස කම්.....

ආදරයට...
ආදරයක්....
නැහැ නොවෑ කිසි කම්පාවක්...
ජීවිතයට
ජීවිතයක්...
කොහෙද ඉතින් සංකාවක්.....
ලොබ බඳිනෙමි....
තිදොසට......
මට නම් නෑ ඉවසිල්ලක්....
සංසාරේ
තව දුර......
මරණය මහ රැවටිල්ලක්.....

ජාති ජාති.....
පතාන ආ....
ආදරේට නැවතිල්ලක්......
ඉපදුනු දා පටන්
පැතූ.....
ඉස්පිල්ලට පාපිල්ලක්......
දොස් පවරමි
මම මට.....
නැතිවට කිසි සැනසිල්ලක්....
රමණය අග
මරණය....
මැකිළියෙ තිට මැසිවිල්ලක්.....