විපර්යාසය

යලි උපන්නෙමි
පසු තැවෙන්නෙමි
මෙතෙක් හුන් ගබ සුවය අහිමිව
අඳ දෙනෙත්
මත එළිය වගුරා
බලකරන්නෙමි.....
කියන්නට මඟ......
වංගු මැද්දෙන් සිරස් රේඛා...
සොයන්නට
වක් සිතට අණකොට.....
සොයා නිදහස
සැරි සරන්නම්....
නිමක් නොපෙනෙන...
අඳුරු නුබ කුස....

දෙගිඩියාව

ඇවිද යමි මම
අනන්තය වෙත
මතක අහුරන් කඩමාල්ලක
හීන පුරවන් සාක්කුවේ.....
හෙමින් එක දෙක කාන්දුවේ...
හදවතේ බර හෑල්ලුවේ....
ගාට ගාටා පසුපසම විත්
සතුට දුක හා හේත්තු වේ....
ඈලියාවට යන්ට ඉඩදෙමි....
ප්‍රේමයට මං නිවාඩුවේ.....

බලාපොරොත්තුව
දෑස බැඳගෙන...
වෙලී ප්‍රේම බැන්ජියේ....
නිදහසේ අත්හලෙමි රාගය....
ඉපිල එන්නට ආයෙ දවසක....
නොපිට පෙරලා
දැවෙන උදහස.....
මකා දැමුවෙමි කිළිටි අදහස.....
ලොවට අමතක වසන්තයේ.....
මතකයන් එහි අඩංගුවේ....